Переключатель языков

Даму тарихы

2001-2004 ж.  

«Арнур Кредит» 2001 жылы «Арнур және К» Жауапкершілігі шектеулі (коммандиттік) Ауыл Несие Серіктестігі ретінде құрылған. 2004 жылы «Арнур және К» Жауапкершілігі шектеулі (коммандиттік) Ауыл Несие Серіктестігі «Арнур Кредит» Шағын несие ұйымы» жауапкершілігі шектеулі серіктестігі болып, өз мәртебесін өзгертті.

2004-2009 ж.

2004 жылдан бастап өзінің филиалдар жүйесін дамытуды ҚР Оңтүстік Қазақстан облысының қалалары мен ауылдарында Филиалдары мен Бөлімдерін ашудан бастады. 2009 жылға қарай «Арнур Кредит» шағын несиелер беру жөнінен жұмысы айқын және тұрақты компанияға айналып, Оңтүстік Қазақстанның барлық аумағын қамтыды.

2006 жылы «Арнур Кредит» Қазақстанның Шағын қаржы Ұйымдары Қауымдастығының (АМФОК) мүшесі болды. Қауымдастықтың негізгі мақсаты – кедейшілік деңгейін төмендету және экономикалық өсімді қолдау мақсатында халықтың қаржылық қызметтерге қолжетімділігін тұрақты қамтамасыз ету үшін шағын несие секторын дамыту.

2007 жылы, айқындылық белгілерінің сәйкестік белгісі ретінде бізге бүкіл әлемдегі шағын қаржы ұйымдарын біріктіретін халықаралық MIX Market web-платформасының бағалауы бойынша 5 алмаздан тұратын дәреже табысталды.

2010-2011 ж.

2010 жылы «Арнур Кредит» Орталық және Шығыс Еуропа бойынша және ТМД елдері (Варшава, Польша) бойынша Шағын қаржы Орталығының толыққұқылы мүшесі болды. ШҚО – бұл шағын қаржыландыру бойынша Орталық және Шығыс Еуропаның 100-ден астам дамыған елдерін біріктіріп отырған орталық, оның қызметі өз мүшелерінің мүдделерін және жалпы Қазақстанның шағын несие секторын нығайтуға және алға жылжытуға бағытталған.

2011 жылдың басында «Microfinanza Rating» халықаралық рейтингтік компаниясы «Арнур Кредит» қызметіне халықаралық әлеуметтік рейтингтік бағалау жүргізіп, «Келешегі бар» деген бағасын берді. Анықтамасы – өз міндетін тәжірибе жүзінде тиімді іске асыру және әлеуметтік құндылықтарды ілгерілетудің сайма-сай қабілеті.

2011-2012 ж.

2011ж. 10 жылдық межесінде Компанияның несие портфелі 1 780 372 117 теңгеге жетті. Өзінің 10 жылдық қызметінде «Арнур Кредит» 6 767 987 378 теңгеден астам сомаға 19 145 несие беріпті. Несиелердің 50%-дан астамы негізінен ауыл халқының өмір сүру жағдайларын жақсарту мақсатында Оңтүстік Қазақстан облысының ауыл шаруашылығына берілген.

2012 ж. «Арнур Кредит» өзінің Қазақстан Республикасы аумағындағы географиялық орналасу орнын кеңейте бастады. Алматы, Жамбыл және Қызылорда облыстарында, сондай-ақ Алматы қаласында Филиалдары мен бөлімшелері ашылды.

2012 ж. «Арнур Кредит» - «Бірінші несиелік бюро» ЖШС-нің қатысушысы. Қазан айында компания клиенттермен жұмыс істеу кезіндегі құқықтық, экономикалық және беделдік тәуекелдерді уақтылы анықтау және азайту мақсатында «Бірінші Несиелік бюро» ЖШС-мен ақпараттар беру және несиелік есептер алып тұру жөніндегі шартқа қол қойды.

2013-2014 ж.

2013 жылы «Арнур Кредит» өзінің жеке Тренинг орталығын ашты. Бөлімнің негізгі міндеті – «Арнур Кредит» қызметкерлерін кәсіби дамыту – қызметкерлерді қайта оқыту, біліктілігін арттыру, орындарын ауыстыру, аттестаттау болып табылады. Кәсіби өсім және қызметкерлерге қамқорлық – «Арнур Кредит» табысының негізі.

2013-2014 ж. IFC және Incofin Investment Management бірлесе қаржыландырған «Strengthening HR Policies and Procedures at Arnur Credit» жобасының жүзеге асырылуы. Жобаны BFC консалтингтік компаниясы орындады, ол қызметкерлерді басқару, соның ішінде іріктеу саясаты мен рәсімдерін және несие сарапшыларын даярлау бағдарламасын бекіту бойынша техникалық қызмет көрсетуге негізделді.

2013-2014 ж. Еуропалық Қайта құру және Даму Банкімен (ЕБРР) бірлесе «Арнур Кредит» ШҚҰ ЖШС – Институционалдық даму және әлеуетті арттыру» жобасы орындалды, жоба кеңесшісі "Frankfurt School of Finance & Management" болып табылады.

2015 ж.

2015 жылдың маусым айында Арнур Кредит» шағын қаржы ұйымы (ШҚҰ) ретінде мемлекеттік қайта тіркеуден сәтті өтті және ҚР Ұлттық Банкіндегі шағын несие ұйымдарының тізіліміне енгізілді.

2015 жылдың қорытындысы бойынша, «Арнур Кредиттен» қарыз алушы әйелдер саны жалпы актив портфелінде – 42,31%, ауылдық қарыз алушылар саны – 86,23%.

Мекенжайы

ОҚО, Шымкент қ,
Г.Иляев көш, 47, 160011

Жұмыс тәртібі

Дүйсенбі-Жұма
9.00 ден 18.00 дейін